KTPP section 4(G) ವಿನಾಯಿತಿ ಹೊಸ ಮಾರ್ಗಸೂಚಿಗಳು

ಕರ್ನಾಟಕ ಸರ್ಕಾರ: ಕೆ.ಟಿ.ಪಿ.ಪಿ ಕಾಯಿದೆ ಕಲಂ 4(ಜಿ) ವಿನಾಯಿತಿ ಹೊಸ ಮಾರ್ಗಸೂಚಿಗಳು

ದಿನಾಂಕ 15.03.2024 ರಂದು ಕರ್ನಾಟಕ ಸರ್ಕಾರವು ಸಾರ್ವಜನಿಕ ಸಂಗ್ರಹಣೆಗಳಲ್ಲಿ ಪಾರದರ್ಶಕತೆ ತರಲು ಕೆಲವು ಕಟ್ಟುನಿಟ್ಟಿನ ನಿಯಮಗಳನ್ನು ಜಾರಿಗೊಳಿಸಿದೆ.

ಮುಖ್ಯ ಸೂಚನೆ: ಟೆಂಡರ್ ಮೂಲಕ ಸರಕು ಅಥವಾ ಸೇವೆ ಪಡೆಯಲು ಅಸಾಧ್ಯವಾದ ವಿಶೇಷ ಮತ್ತು ತುರ್ತು ಸಂದರ್ಭಗಳಲ್ಲಿ ಮಾತ್ರ ವಿನಾಯಿತಿ ನೀಡಲು ಅವಕಾಶವಿದೆ.

ಟೆಂಡರ್ ಪ್ರಕ್ರಿಯೆ ಕಡ್ಡಾಯವಾಗಿರುವ ಸಂದರ್ಭಗಳು

- ವಾರ್ಷಿಕವಾಗಿ ಆಚರಿಸಲಾಗುವ ಸ್ವಾತಂತ್ರ್ಯೋತ್ಸವ, ರಾಜ್ಯೋತ್ಸವ, ದಸರಾ ಮತ್ತು ಸಿನಿಮಾ ಉತ್ಸವಗಳಂತಹ ಕಾರ್ಯಕ್ರಮಗಳಿಗೆ ಟೆಂಡರ್ ಕಡ್ಡಾಯ.

- ಅಂದಾಜು ಪಟ್ಟಿಯಲ್ಲಿ ಮೊದಲೇ ಗುರುತಿಸಲಾದ ಪೀಠೋಪಕರಣ ಅಥವಾ ಸಾಮಗ್ರಿಗಳನ್ನು ಸಾಕಷ್ಟು ಮುಂಚಿತವಾಗಿಯೇ ಟೆಂಡರ್ ಮೂಲಕ ಖರೀದಿಸಬೇಕು.

- ಡಿ.ಪಿ.ಆರ್ (DPR) ತಯಾರಿಕೆಗೆ ಹಲವು ಸಂಸ್ಥೆಗಳು ಲಭ್ಯವಿರುವುದರಿಂದ ಇದನ್ನು ಟೆಂಡರ್ ಮೂಲಕವೇ ಪಡೆಯಬೇಕು.

ವಿನಾಯಿತಿ ಪ್ರಸ್ತಾವನೆ ಸಲ್ಲಿಸುವಾಗ ಗಮನಿಸಬೇಕಾದ ಅಂಶಗಳು

- ವಿನಾಯಿತಿ ಪ್ರಸ್ತಾವನೆಗಳನ್ನು ಕಡ್ಡಾಯವಾಗಿ ಇಲಾಖಾ ಕಾರ್ಯದರ್ಶಿಯವರ ಮೂಲಕವೇ ಆರ್ಥಿಕ ಇಲಾಖೆಗೆ ಸಲ್ಲಿಸಬೇಕು.

- ದರಗಳ ಸಮಂಜಸತೆಯನ್ನು ಇಲಾಖಾ ಮುಖ್ಯಸ್ಥರು ಅಥವಾ ಕಾರ್ಯದರ್ಶಿಯವರು ವೈಯಕ್ತಿಕವಾಗಿ ಪ್ರಮಾಣೀಕರಿಸಬೇಕು.

- ಸಮಯ ಕಡಿಮೆ ಇದ್ದಾಗಲೂ ಕನಿಷ್ಠ 07 ದಿನಗಳ ಅಲ್ಪಾವಧಿ ಟೆಂಡರ್ ಕರೆಯಲು ಅವಕಾಶವಿರುತ್ತದೆ.

ನಿಷೇಧಿತ ಅಂಶಗಳು ಮತ್ತು ಶಿಸ್ತು ಕ್ರಮ

- ಸಿವಿಲ್ ಕಾಮಗಾರಿಗಳನ್ನು ನೇರವಾಗಿ 4(ಜಿ) ವಿನಾಯಿತಿ ಮೂಲಕ ಗುತ್ತಿಗೆದಾರರಿಗೆ ವಹಿಸುವಂತಿಲ್ಲ.

- ಕೆಲಸ ಆರಂಭವಾದ ನಂತರ ಅಥವಾ ಮುಕ್ತಾಯವಾದ ನಂತರ ಯಾವುದೇ ಘಟನೋತ್ತರ (Post-facto) ವಿನಾಯಿತಿ ನೀಡಲು ಅವಕಾಶವಿಲ್ಲ.

- ನಿಯಮ ಉಲ್ಲಂಘಿಸುವ ಅಧಿಕಾರಿಗಳ ವಿವರಗಳನ್ನು ಅವರ ಸೇವಾ ಪುಸ್ತಕದಲ್ಲಿ (Service Register) ದಾಖಲಿಸಲು ಡಿ.ಪಿ.ಎ.ಆರ್ (DPAR) ಗೆ ವರದಿ ಮಾಡಲಾಗುವುದು.

ಹೆಚ್ಚಿನ ಮಾಹಿತಿಗಾಗಿ ಅಧಿಕೃತ ಸುತ್ತೋಲೆಯನ್ನು ವೀಕ್ಷಿಸಿ:

ಸುತ್ತೋಲೆ ಡೌನ್‌ಲೋಡ್ ಮಾಡಿ