16ನೇ ಹಣಕಾಸು ಆಯೋಗ - ಗ್ರಾಮ ಪಂಚಾಯಿತಿ ಅನುದಾನ ಹಂಚಿಕೆ ಕ್ಯಾಲ್ಕುಲೇಟರ್

ಅಧಿಕೃತ ಸುತ್ತೋಲೆ ಮಾಹಿತಿ PDO Services Verification

16ನೇ ಹಣಕಾಸು ಆಯೋಗ - ಗ್ರಾಮ ಪಂಚಾಯಿತಿ ಅನುದಾನ ಹಂಚಿಕೆ ಸಂಪೂರ್ಣ ಮಾರ್ಗಸೂಚಿ & ಲೈವ್ ಕ್ಯಾಲ್ಕುಲೇಟರ್

ಕೇಂದ್ರ ಸರ್ಕಾರದ ಮಾರ್ಗಸೂಚಿ ಹಾಗೂ ಕರ್ನಾಟಕ ಗ್ರಾಮೀಣ ಕುಡಿಯುವ ನೀರು ಮತ್ತು ನೈರ್ಮಲ್ಯ ಇಲಾಖೆಯ (RDWSD) ಅಧಿಕೃತ ಸುತ್ತೋಲೆಯನ್ವಯ ನೀರು-ಸ್ವಚ್ಛತೆ ನಿಧಿ ಮತ್ತು ಸಾಮಾನ್ಯ ಅಭಿವೃದ್ಧಿ ನಿಧಿ ಹಂಚಿಕೆಯ ಸಂಪೂರ್ಣ ವರದಿ.

PDO Services Verification

ಗಮನಿಸಿ: ಕರ್ನಾಟಕ ರಾಜ್ಯ PDO ಬಿ-ಗ್ರೇಡ್‌ ಸಂಘದ ಸದಸ್ಯರಿಗೆ ಮಾತ್ರ ಪ್ರವೇಶ. ನೀವು ಸಂಘದ ಸದಸ್ಯತ್ವ ಪಡೆಯದೆ ಇದ್ದರೆ ದಯವಿಟ್ಟು ಸದಸ್ಯತ್ವ ಪಡೆಯಿರಿ.

ಸದಸ್ಯತ್ವಕ್ಕಾಗಿ ನೋಂದಾಯಿಸಿದ KGID ಮತ್ತು ಮೊಬೈಲ್ ನಂಬರ್ ಹಾಕಿ ಲಾಗಿನ್ ಆಗಿ.

KGID Number

Mobile Number

ಸಂಘದ ಸದಸ್ಯತ್ವ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ

16ನೇ ಹಣಕಾಸು ಆಯೋಗ - ಗ್ರಾಮ ಪಂಚಾಯಿತಿ ಅನುದಾನ ಹಂಚಿಕೆ ಕ್ಯಾಲ್ಕುಲೇಟರ್

ಕೇಂದ್ರ ಸರ್ಕಾರದ ಮಾರ್ಗಸೂಚಿ ಮತ್ತು ಕರ್ನಾಟಕ ಸರ್ಕಾರದ ಅಧಿಕೃತ ಸುತ್ತೋಲೆಗಳನ್ವಯ ನಿಯಮಾನುಸಾರ ಹಂಚಿಕೆ

ಅಧಿಕೃತ ನಿಯಮಾವಳಿಗಳು ಮತ್ತು ಸುತ್ತೋಲೆಗಳ ಉಲ್ಲೇಖ (Official References)

• ಕೇಂದ್ರ ಹಣಕಾಸು ಸಚಿವಾಲಯದ ಮಾರ್ಗಸೂಚಿ: F.No. 6(1)/FCD/2026-31, ದಿನಾಂಕ: 21.05.2026 (ಗ್ರಾಮೀಣ ಸ್ಥಳೀಯ ಸಂಸ್ಥೆಗಳ ಅನುದಾನ ಕಾರ್ಯಾಚರಣಾ ಮಾರ್ಗಸೂಚಿ 2026-27 ರಿಂದ 2030-31).
• ಕೇಂದ್ರ ಪಂಚಾಯತ್ ರಾಜ್ ಸಚಿವಾಲಯದ ಪತ್ರ: D.O. No. M-11015/62/2026-FD, ದಿನಾಂಕ: 10.06.2026.
• ಕರ್ನಾಟಕ ಗ್ರಾಮೀಣ ಕುಡಿಯುವ ನೀರು ಮತ್ತು ನೈರ್ಮಲ್ಯ ಇಲಾಖೆ (RDWSD) ಸುತ್ತೋಲೆ: ಸಂ: RDWSD-WSSO/15/2026/286, ದಿನಾಂಕ: 20.07.2026 (16ನೇ ಹಣಕಾಸು ಆಯೋಗದ Tied ಅನುದಾನದ ಬಳಕೆ ತಾಂತ್ರಿಕ ಮಾರ್ಗಸೂಚಿ).
• ವಿಶೇಷ ಚೇತನರ ನಿಧಿ ಸ್ಪಷ್ಟೀಕರಣ: ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಇಲಾಖೆಯ ಪತ್ರ ಸಂ: 02-03-2021 (ಕೇವಲ ಸಾರ್ವಜನಿಕ ಕಾಮಗಾರಿಗಳಿಗೆ ಮಾತ್ರ ಬಳಕೆ, ವೈಯಕ್ತಿಕ ಸೌಲಭ್ಯ ನಿಷೇಧ).

ಗ್ರಾಮ ಪಂಚಾಯಿತಿಗೆ ಬಂದ ಒಟ್ಟು ಮೂಲ ಅನುದಾನ (₹)

₹

Tied Grant (ನೀರು-ಸ್ವಚ್ಛತೆ ನಿಧಿ ಕಡ್ಡಾಯ 50%)

₹ 10,00,000

ಕುಡಿಯುವ ನೀರು, ಸ್ವಚ್ಛತೆ ಮತ್ತು ದುರಸ್ತಿ ಕಾಮಗಾರಿಗಳು

Untied Grant (ಸ್ಥಳೀಯ ಅಭಿವೃದ್ಧಿ ಮುಕ್ತ ನಿಧಿ 50%)

₹ 10,00,000

29 ಸಂವಿಧಾನಿಕ ವಿಷಯಗಳು & ಸ್ಥಳೀಯ ಅಗತ್ಯತೆ

ಒಟ್ಟು SC / ST ಮೀಸಲಾತಿ (25%)

₹ 5,00,000

SC 18% (₹ 3,60,000) | ST 7% (₹ 1,40,000)

1. 16ನೇ ಹಣಕಾಸು ಆಯೋಗದ ಮೂಲ ಹಂಚಿಕೆ (Basic Grant 50:50 ವಿಭಜನೆ) ಮಾರ್ಗಸೂಚಿ ಕಂಡಿಕೆ 5.1

ಅನುದಾನದ ಶೀರ್ಷಿಕೆ	ನಿಗದಿತ ಪ್ರಮಾಣ	ಹಂಚಿಕೆಯಾಗುವ ಮೊತ್ತ	ಷರಾ / ಮಾರ್ಗಸೂಚಿ ವಿವರ
Tied Grant (ನೀರು ಮತ್ತು ಸ್ವಚ್ಛತೆ ನಿಧಿ)	50%	₹ 10,00,000	ಕುಡಿಯುವ ನೀರು, ಜಲ ಭದ್ರತೆ, ಘನ ಮತ್ತು ದ್ರವ ತ್ಯಾಜ್ಯ ನಿರ್ವಹಣೆ ಹಾಗೂ ದೈನಂದಿನ ನಿರ್ವಹಣೆ-ದುರಸ್ತಿಗೆ ಕಡ್ಡಾಯ.
Untied Grant (ಸಾಮಾನ್ಯ ಅಭಿವೃದ್ಧಿ ನಿಧಿ)	50%	₹ 10,00,000	ಸಂವಿಧಾನದ 11ನೇ ಪರಿಚ್ಛೇದದ 29 ವಿಷಯಗಳು ಮತ್ತು ಸ್ಥಳೀಯ ಮೂಲಸೌಕರ್ಯ ಅಗತ್ಯತೆಗಳಿಗೆ ಪಂಚಾಯಿತಿ ವಾರ್ಷಿಕ ಕ್ರಿಯಾ ಯೋಜನೆಯಂತೆ ಬಳಕೆ.
ಒಟ್ಟು ಲಭ್ಯವಿರುವ ಮೂಲ ಅನುದಾನ	100%	₹ 20,00,000	ಕೇಂದ್ರ ಹಣಕಾಸು ಆಯೋಗದ ನೇರ ಜಮೆ ಮೊತ್ತ.

2. ಕಡ್ಡಾಯ ಮೀಸಲಾತಿ ಹಾಗೂ ಶಾಸನಬದ್ಧ ನಿಧಿಗಳು ರಾಜ್ಯ ನಿಯಮಾನುಸಾರ ಹಂಚಿಕೆ

ವಿವರ / ಕಲ್ಯಾಣ ಯೋಜನೆಗಳು	ನಿಗದಿತ ಪ್ರಮಾಣ	ಮೀಸಲಿಡಬೇಕಾದ ಮೊತ್ತ	ಷರಾ (ಷರತ್ತುಗಳು / ವಿವರಣೆ)
ಪರಿಶಿಷ್ಟ ಜಾತಿ (SC) ಉಪಯೋಜನೆ	18%	₹ 3,60,000	ಒಟ್ಟು ಅನುದಾನದಲ್ಲಿ SC ಕಾಲೋನಿಗಳ ಮೂಲಸೌಕರ್ಯ & ಅಭಿವೃದ್ಧಿಗೆ ಕಡ್ಡಾಯ.
ಪರಿಶಿಷ್ಟ ಪಂಗಡ (ST) ಉಪಯೋಜನೆ	7%	₹ 1,40,000	ಒಟ್ಟು ಅನುದಾನದಲ್ಲಿ ST ಕಾಲೋನಿಗಳ ಸಮಗ್ರ ಅಭಿವೃದ್ಧಿಗೆ ಕಡ್ಡಾಯ.
» ಒಟ್ಟು SC / ST ಜಂಟಿ ಮೀಸಲಾತಿ ಮೊತ್ತ	25%	₹ 5,00,000	ಒಟ್ಟು ಅನುದಾನದಲ್ಲಿ ಕಡ್ಡಾಯವಾಗಿ ಶೇಕಡ 25% ಮೀಸಲಾತಿ ನಿಯಮ ಪಾಲಿಸಬೇಕು.
ವಿಶೇಷ ಚೇತನರ ಕಲ್ಯಾಣ ನಿಧಿ (5% PwD Fund) (ಗ್ರಾಮೀಣಾಭಿವೃದ್ಧಿ ಇಲಾಖೆ ಪತ್ರ: 02-03-2021 ರ ಸ್ಪಷ್ಟೀಕರಣ)	5%	₹ 1,00,000	ಅಳವಡಿಸಬಹುದಾದ ಕಾಮಗಾರಿಗಳು: ಶಾಲೆ, ಪಂಚಾಯಿತಿ ಭವನ ಹಾಗೂ ಸಾರ್ವಜನಿಕ ಕಟ್ಟಡಗಳಲ್ಲಿ ರ‍್ಯಾಂಪ್, ಕೈಹಿಡಿ ಹಾಗೂ ಸುಗಮ್ಯ ಶೌಚಾಲಯ ಕಾಮಗಾರಿಗಳನ್ನು ಅಳವಡಿಸಬಹುದು (ವೈಯಕ್ತಿಕ ಸೌಲಭ್ಯ ನೀಡುವಂತಿಲ್ಲ).
ಕ್ರೀಡಾ ಚಟುವಟಿಕೆಗಳು ಮತ್ತು ಯುವಜನ ಉಪಕರಣಗಳು	2%	₹ 40,000	ಗ್ರಾಮೀಣ ಕ್ರೀಡಾಕೂಟ, ವ್ಯಾಯಾಮ ಶಾಲೆ ಮತ್ತು ಕ್ರೀಡಾ ಸಾಮಗ್ರಿಗಳ ಖರೀದಿಗಾಗಿ.
ಸಾಮಾಜಿಕ ಲೆಕ್ಕ ಪರಿಶೋಧನೆ ವೆಚ್ಚ (Social Audit)	ನಿಗದಿತ ದರ	₹ 28,500	ಗ್ರಾಮ ಸಭೆ ಸಾಮಾಜಿಕ ಲೆಕ್ಕ ಪರಿಶೋಧನಾ ನಿರ್ವಹಣೆಗೆ ನಿಗದಿತ ಮೊತ್ತ.
ಲೆಕ್ಕಪತ್ರ ತಪಾಸಣೆ ಮತ್ತು ಆಡಿಟ್ ಸೇವಾ ಶುಲ್ಕ (ಮಾರ್ಗಸೂಚಿ ಕಂಡಿಕೆ 7.2)	ಗರಿಷ್ಠ 02% (Untied)	₹ 20,000	ಇಲಾಖೆಯು ನಿಗದಿಪಡಿಸುವ ದರದಂತೆ (Rate Contract) ಲೆಕ್ಕಪತ್ರ ಹಾಗೂ ಆಡಿಟ್ ಕೆಲಸಕ್ಕೆ ನಿಯೋಜಿಸಿದ ವೃತ್ತಿಪರ ಸಂಸ್ಥೆಗಳಿಗೆ ಶುಲ್ಕ ಪಾವತಿಸಲು ಅವಕಾಶ.

3. ನೀರು-ಸ್ವಚ್ಛತೆ (Tied) ಅನುದಾನದ ಆದ್ಯತಾ ಹಂಚಿಕೆ ಚೌಕಟ್ಟು ಸುತ್ತೋಲೆ ಅನುಬಂಧ-V (Annexure-V)

ಆದ್ಯತಾ ಕ್ಷೇತ್ರ	ಸೂಚಕ ಹಂಚಿಕೆ (%)	ಲೆಕ್ಕಾಚಾರದ ಮೊತ್ತ (Tied ನಡಿ)	ಪರಿಶೀಲನಾ ಮಾನದಂಡ ಮತ್ತು ವಿವರ
ಆದ್ಯತೆ-1: ನೀರು ಸರಬರಾಜು ನಿರ್ವಹಣೆ & ದುರಸ್ತಿ	40% - 50%	₹ 4,00,000 - ₹ 5,00,000	ನಿರಂತರ ನೀರು ಸರಬರಾಜು, ಪಂಪ್/ಮೋಟಾರ್ ದುರಸ್ತಿ, ಪಂಪ್ ಹೌಸ್ ಕರೆಂಟ್ ಬಿಲ್, ಸಗಟು ನೀರಿನ ಶುಲ್ಕ (ಜಲ್ ಸೇವಾ ಅಂಕಲನ್ ವರದಿ).
ಆದ್ಯತೆ-2: ನೀರಿನ ಮೂಲಗಳ ಸಂರಕ್ಷಣೆ & ಜಲ ಭದ್ರತೆ	15% - 25%	₹ 1,50,000 - ₹ 2,50,000	ಬೇಸಿಗೆ ನೀರಿನ ಕೊರತೆ ನೀಗಿಸುವುದು, ಬಾವಿ/ಕೊಳವೆಬಾವಿ ಹೂಳೆತ್ತುವುದು, ಬೇಲಿ ನಿರ್ಮಾಣ, ಅಂತರ್ಜಲ ಮರುಪೂರಣ (ಗ್ರಾಮ ಜಲ ಭದ್ರತಾ ಯೋಜನೆ).
ಆದ್ಯತೆ-3: ನೀರಿನ ಗುಣಮಟ್ಟ ತಪಾಸಣೆ	ಸುಮಾರು 20%	₹ 2,00,000	ಕ್ಲೋರಿನ್ ಡೋಸರ್ ಅಳವಡಿಕೆ, ಸ್ಥಳೀಯ ನೀರಿನ ಪರೀಕ್ಷಾ ಕಿಟ್‌ಗಳು (FTK), ರಾಸಾಯನಿಕಗಳು, ಕ್ಲೋರಿನೇಷನ್ ಮತ್ತು WQMIS ಪೋರ್ಟಲ್‌ನಲ್ಲಿ ವರದಿ.
ಆದ್ಯತೆ-4: ಸೇವಾ ಸೌಲಭ್ಯಗಳ ಸುಧಾರಣೆ	10% - 20%	₹ 1,00,000 - ₹ 2,00,000	ನೀರು ಸಿಗದ ಮನೆಗಳಿಗೆ ಪೈಪ್‌ಲೈನ್ ವಿಸ್ತರಣೆ, ಶಾಲೆ/ಅಂಗನವಾಡಿಗಳಿಗೆ ನಲ್ಲಿ ಸಂಪರ್ಕ, ಸಮುದಾಯ ಶೌಚಾಲಯಗಳ ನಿರ್ವಹಣೆ.
ಆದ್ಯತೆ-5: ಕಾರ್ಯಕರ್ತರ ಸಂಭಾವನೆ & ಗೌರವಧನ	ಗರಿಷ್ಠ 15%	ಗರಿಷ್ಠ ₹ 1,50,000	ನಳ ಜಲ ಮಿತ್ರರಿಗೆ ಗೌರವಧನ, ವಾಟರ್ ಟೆಸ್ಟಿಂಗ್ ಮಹಿಳೆಯರ ಶುಲ್ಕ, ಸುಜಲಂ ಶಕ್ತಿ ಗುಂಪುಗಳಿಗೆ ಸೇವಾ ಶುಲ್ಕ ಹಾಗೂ ತರಬೇತಿ.
ಆದ್ಯತೆ-6: ಸಮುದಾಯ ಜಾಗೃತಿ ಮತ್ತು ಪ್ರಚಾರ (IEC)	ಗರಿಷ್ಠ 5%	ಗರಿಷ್ಠ ₹ 50,000	ಗ್ರಾಮ ಜಲ ಬಜೆಟ್, ಜಲ್ ಚೌಪಾಲ್ ಸಭೆಗಳು, ಲೋಕ ಜಲ ಉತ್ಸವ ಮತ್ತು ನೀರು ಮಿತವ್ಯಯ ಬಳಕೆ ಜಾಗೃತಿ.
ಆದ್ಯತೆ-7: ಕಚೇರಿ & ಆಡಳಿತಾತ್ಮಕ ವೆಚ್ಚಗಳು	ಗರಿಷ್ಠ 3%	ಗರಿಷ್ಠ ₹ 30,000	ಡೇಟಾ ಎಂಟ್ರಿ, ಲೆಕ್ಕಪತ್ರ ನಿರ್ವಹಣೆ, ಆಡಿಟ್, ತಂತ್ರಾಂಶ ಅಪ್ಡೇಟ್ ಹಾಗೂ ಕ್ರಿಯಾ ಯೋಜನೆ ತಯಾರಿಕೆ ವೆಚ್ಚ.

4. ಸಾಮಾನ್ಯ ಅಭಿವೃದ್ಧಿ (Untied) ಅನುದಾನದಡಿ ಅನುಮತಿಸಿದ ಕಾಮಗಾರಿಗಳು ಮಾರ್ಗಸೂಚಿ ಕಂಡಿಕೆ 7.1 (29 ವಿಷಯಗಳ ವ್ಯಾಪ್ತಿ)

ಕಾಮಗಾರಿ ವಿವರ	ಮಿತಿ / ನಿಯಮ	ಅನುಮತಿಸಿದ ಮೊತ್ತ (₹)	ಷರಾ / ಮಾರ್ಗಸೂಚಿ ವಿವರ
ರಸ್ತೆಗಳ ನಿರ್ಮಾಣ ಮತ್ತು ನಿರ್ವಹಣೆ	ಗರಿಷ್ಠ ₹1,00,000	₹ 1,00,000	ಡಾಂಬರೀಕರಣ, ಕಾಂಕ್ರೀಟ್, ಪೇವರ್ ಬ್ಲಾಕ್ (Untied ನ 20% ಅಥವಾ ₹1 ಲಕ್ಷ - ಯಾವುದು ಕಡಿಮೆಯೋ ಅದು).
ಬೀದಿದೀಪಗಳು (Street Lights)	Untied ಕಡ್ಡಾಯ	ಕ್ರಿಯಾ ಯೋಜನೆಯಂತೆ	ಎಲ್ಇಡಿ/ಸೋಲಾರ್ ದೀಪಗಳು, ಟೈಮರ್ ಅಳವಡಿಕೆ & ನಿರ್ವಹಣೆ.
ಗ್ರಾಮ ಪಂಚಾಯಿತಿ ಕಟ್ಟಡ ನಿರ್ಮಾಣ & ದುರಸ್ತಿ	ಅನುಮತಿಸಲಾಗಿದೆ	ಅಗತ್ಯತೆಗೆ ತಕ್ಕಂತೆ	ಕಚೇರಿ ಕಟ್ಟಡ, ಬಾಪೂಜಿ ಸೇವಾ ಕೇಂದ್ರ ಹಾಗೂ ಸಭಾಂಗಣ ಕಾಮಗಾರಿ.
ವೈ-ಫೈ ಮತ್ತು ಡಿಜಿಟಲ್ ಸಂಪರ್ಕ ಸೇವೆಗಳು	ಅನುಮತಿಸಲಾಗಿದೆ	ಕ್ರಿಯಾ ಯೋಜನೆಯಂತೆ	ಪಂಚಾಯಿತಿ ವ್ಯಾಪ್ತಿಯಲ್ಲಿ ಇಂಟರ್ನೆಟ್ ಸಂಪರ್ಕ ಮತ್ತು ಡಿಜಿಟಲ್ ಗ್ರಂಥಾಲಯ ಸ್ಥಾಪನೆ.
ಸ್ಮಶಾನ ಅಭಿವೃದ್ಧಿ & ರುದ್ರಭೂಮಿ ನಿರ್ವಹಣೆ	ಅನುಮತಿಸಲಾಗಿದೆ	ಕ್ರಿಯಾ ಯೋಜನೆಯಂತೆ	ಸ್ಮಶಾನ ಜಾಗ ಖರೀದಿ, ಕಾಂಪೌಂಡ್, ಶೆಡ್ ನಿರ್ಮಾಣ ಹಾಗೂ ಮೂಲಸೌಕರ್ಯ.

5. ಟೈಡ್ (Tied) ಅನುದಾನದಡಿ ಅನುಮತಿಸಲಾದ ಅಧಿಕೃತ ಕಾಮಗಾರಿಗಳು (Annexure-II ವಿವರ) ಸುತ್ತೋಲೆಯ 16 + 43 ಕಾಮಗಾರಿಗಳ ವಿವರ

ನೀರು ನಿರ್ವಹಣೆಗೆ ಸಂಬಂಧಿಸಿದ 16 ಅಧಿಕೃತ ಕಾಮಗಾರಿಗಳು (ಅನುಬಂಧ-II A)

1. ಕುಡಿಯುವ ನೀರಿನ ಮೂಲಗಳ ಸಂರಕ್ಷಣೆ (ಬೇಲಿ, ರಕ್ಷಣಾ ಗೋಡೆ, ಹೂಳೆತ್ತುವುದು, ಕೊಳಕು ಸೇರದಂತೆ ತಡೆ).
2. ಹಾಲಿ ಮೂಲ ಬತ್ತಿಹೋದರೆ ಪರ್ಯಾಯ ನೀರಿನ ಮೂಲ ಅಭಿವೃದ್ಧಿ & ಬೇಸಿಗೆ ಸಿದ್ಧತೆ.
3. ಕ್ಲೋರಿನ್ ಡೋಸರ್ ಅಳವಡಿಕೆ (ವೆಂಚುರಿ/ಗ್ರಾವಿಟಿ/ಎಲೆಕ್ಟ್ರಾನಿಕ್ ಪದ್ಧತಿ).
4. ಪಂಪ್, ಮೋಟಾರ್, ಕವಾಟ, ಕಂಟ್ರೋಲ್ ಪ್ಯಾನಲ್ ಸಣ್ಣ ದುರಸ್ತಿ ಹಾಗೂ ಈಗಿರುವ ಪೈಪ್‌ಲೈನ್ ವಿಸ್ತರಣೆ.
5. ಸಗಟು ನೀರು ಸರಬರಾಜು ಶುಲ್ಕ ಪಾವತಿ (Bulk Water Charges).
6. ಪ್ರಕೃತಿ ವಿಕೋಪದ ನಂತರ ಹಾನಿಯಾದ ನೀರು ಸರಬರಾಜು ವ್ಯವಸ್ಥೆಯ ತುರ್ತು ದುರಸ್ತಿ.
7. ನೀರಿನ ಟ್ಯಾಂಕ್ (OHT) ನಿಯಮಿತ ಸ್ವಚ್ಛತೆ, ಸೋರಿಕೆ ತಡೆ ಮತ್ತು ದುರಸ್ತಿ.
8. ನೀರು ಶುದ್ಧೀಕರಣ ಘಟಕಗಳ (WTP) ದೈನಂದಿನ ನಿರ್ವಹಣೆ ಮತ್ತು ರಿಪೇರಿ.
9. ನೀರಿನ ಗುಣಮಟ್ಟ ಪರೀಕ್ಷಾ ಕಿಟ್‌ಗಳು (FTK) ಹಾಗೂ ಕ್ಲೋರಿನ್ ಪರೀಕ್ಷಾ ಔಷಧಗಳ ಖರೀದಿ.
10. ಕ್ರಿಮಿನಾಶಕ ಔಷಧಗಳ ಖರೀದಿ (ಬ್ಲೀಚಿಂಗ್ ಪೌಡರ್, ಸೋಡಿಯಂ ಹೈಪೋಕ್ಲೋರೈಟ್, ಕ್ಲೋರಿನ್ ಅನಿಲ).
11. ನಳ ಜಲ ಮಿತ್ರರ ಗೌರವಧನ, ವಾಟರ್ ಟೆಸ್ಟಿಂಗ್ ಮಹಿಳೆಯರ ಶುಲ್ಕ ಹಾಗೂ ಸುಜಲಂ ಶಕ್ತಿ ಗುಂಪುಗಳಿಗೆ ಸೇವಾ ಶುಲ್ಕ.
12. ಗ್ರಾಮದ ನೀರು ಸರಬರಾಜು ವ್ಯವಸ್ಥೆಯ ಮಾಸಿಕ ಕರೆಂಟ್ ಬಿಲ್ ಪಾವತಿ.
13. ಕರೆಂಟ್ ಬಿಲ್ ಉಳಿತಾಯ ಮಾಡಲು ಸೋಲಾರ್ ಪ್ಯಾನಲ್ ಅಳವಡಿಕೆ.
14. ಶಾಲೆಗಳು, ಅಂಗನವಾಡಿ, ಆಶ್ರಮ ಶಾಲೆ, ಸಮುದಾಯ ಭವನ, ಸಂತೆ ಮೈದಾನಗಳಿಗೆ ನೀರಿನ ನಲ್ಲಿ ಸಂಪರ್ಕ.
15. ಗ್ರಾಮ ಜಲ ಬಜೆಟ್, ಜಲ್ ಚೌಪಾಲ್, ಜಲ್ ಸೇವಾ ಅಂಕಲನ್ ಸಭೆಗಳು ಹಾಗೂ ಲೋಕ ಜಲ ಉತ್ಸವ.
16. ಡೇಟಾ ಎಂಟ್ರಿ, ಆಡಿಟ್, ಗ್ರಾಮ ಪಂಚಾಯಿತಿ ಕ್ರಿಯಾ ಯೋಜನೆ ಸಿದ್ಧತೆಯ ಕಚೇರಿ ವೆಚ್ಚಗಳು.

ಸ್ವಚ್ಛತೆ ಮತ್ತು ಘನ/ದ್ರವ ತ್ಯಾಜ್ಯ ನಿರ್ವಹಣೆಯ 43 ಕಾಮಗಾರಿಗಳು (ಅನುಬಂಧ-II B ಸಾರಾಂಶ)

ಸ್ವಚ್ಛ ಭಾರತ ಮಿಷನ್ (ಗ್ರಾಮೀಣ) ಹಂತ-II ರಡಿ ಒಟ್ಟು 43 ಚಟುವಟಿಕೆಗಳನ್ನು ಅನುಮತಿಸಲಾಗಿದ್ದು, ಮುಖ್ಯವಾದವು ಕೆಳಗಿನಂತಿವೆ:

• ಸಾರ್ವಜನಿಕ ಸಮುದಾಯ ಶೌಚಾಲಯಗಳು: ಶೌಚಾಲಯಗಳ ನಿರ್ಮಾಣಕ್ಕೆ 30% ಪಂಚಾಯಿತಿ ಪಾಲು, ದಿವ್ಯಾಂಗ ಸ್ನೇಹಿ ರ‍್ಯಾಂಪ್, ಸಾಬೂನು/ಫಿನಾಯಿಲ್ ಖರೀದಿ ಮತ್ತು ಸಣ್ಣ ದುರಸ್ತಿ.
• ಘನತ್ಯಾಜ್ಯ ನಿರ್ವಹಣೆ: ಕಾಂಪೋಸ್ಟ್ ಗುಂಡಿಗಳು, ಕಸ ವಿಂಗಡಣಾ ಶೆಡ್‌ಗಳು, ಮನೆ ಮನೆ ಕಸ ಸಂಗ್ರಹ ವಾಹನಗಳ (ಬ್ಯಾಟರಿ ಆಟೋ/ಟ್ರೈಸೈಕಲ್) ಖರೀದಿ & ದುರಸ್ತಿ, ತೂಕ ಯಂತ್ರ, ಸ್ಯಾನಿಟರಿ ಪ್ಯಾಡ್ ಸುಡುವ ಯಂತ್ರ.
• ಬಳಕೆಯಾದ ನೀರಿನ ನಿರ್ವಹಣೆ (GWM): ಸಮುದಾಯ ಮತ್ತು ಮನೆಮನೆ ಇಂಗುಗುಂಡಿಗಳು (Soak pits), ಚರಂಡಿ ಮಾರ್ಗ ನಿರ್ಮಾಣ, ಹೂಳೆತ್ತುವುದು ಮತ್ತು ನೀರು ಶುದ್ಧೀಕರಣ ಘಟಕಗಳು.
• ಮಲತ್ಯಾಜ್ಯ ನಿರ್ವಹಣೆ (FSM): ಮಲತ್ಯಾಜ್ಯ ಸಂಸ್ಕರಣಾ ಘಟಕ ಸ್ಥಾಪನೆ, ಸೆಪ್ಟಿಕ್ ಟ್ಯಾಂಕ್ ಯಾಂತ್ರಿಕ ಸ್ವಚ್ಛತೆ, ಸಿಂಗಲ್ ಪಿಟ್ ಶೌಚಾಲಯಗಳನ್ನು ಟ್ವಿನ್ ಪಿಟ್ ಆಗಿ ಪರಿವರ್ತಿಸುವುದು.
• ಗೋಬರ್ಧನ್ (GOBARdhan): ಬಯೋ-ಗ್ಯಾಸ್ ಘಟಕಗಳ ನಿರ್ಮಾಣ ಹಾಗೂ ಸೌರ ವಿದ್ಯುತ್ ಸಂಪರ್ಕ.
• ಸ್ವಚ್ಛತಾ ಸಿಬ್ಬಂದಿ ಕಲ್ಯಾಣ: ಸ್ವಚ್ಛಾಗ್ರಹಿಗಳು ಹಾಗೂ ವಾಹನ ಚಾಲಕರಿಗೆ ಸೇವಾ ಸಂಭಾವನೆ ಮತ್ತು ಮಾಸ್ಕ್, ಕೈಗವಸು ಮೊದಲಾದ ಸುರಕ್ಷತಾ ಪರಿಕರಗಳ (PPE Kit) ಖರೀದಿ.

ಮಾಡಬಹುದಾದ ಕೆಲಸಗಳು (ಅನುಮತಿಸಲಾದ ಚಟುವಟಿಕೆಗಳು)

• ನೀರು-ಸ್ವಚ್ಛತೆ ನಿಧಿಯಡಿ: ಕೊಳವೆಬಾವಿ, ಪಂಪ್, ಮೋಟಾರ್, ವಾಲ್ವ್, ಪೈಪ್‌ಲೈನ್, ನೀರಿನ ಟ್ಯಾಂಕ್ (OHT) ದುರಸ್ತಿ & ಸ್ವಚ್ಛತೆ, ಪಂಪ್ ಹೌಸ್ ಕರೆಂಟ್ ಬಿಲ್, ಸಗಟು ನೀರಿನ ಬಿಲ್, ಸೋಲಾರ್ ಅಳವಡಿಕೆ, ಕ್ಲೋರಿನ್ ಡೋಸರ್ & ನೀರಿನ ಪರೀಕ್ಷಾ ಕಿಟ್ ಖರೀದಿ, ನಳ ಜಲ ಮಿತ್ರರ ಗೌರವಧನ.
• ಸ್ವಚ್ಛತೆ ಮತ್ತು ಕಸ ನಿರ್ವಹಣೆಯಡಿ: ಸಮುದಾಯ ಶೌಚಾಲಯಗಳ ನಿರ್ಮಾಣಕ್ಕೆ 30% ಪಂಚಾಯಿತಿ ಪಾಲು ಮತ್ತು ಅವುಗಳ ನಿರ್ವಹಣೆ, ಕಾಂಪೋಸ್ಟ್ ಗುಂಡಿ, ಒಣ-ಹಸಿ ಕಸ ವಿಂಗಡಣಾ ಶೆಡ್, ಗೋಬರ್ಧನ್ ಘಟಕ, ಮನೆ ಮನೆ ಕಸ ಸಂಗ್ರಹ ವಾಹನಗಳ ದುರಸ್ತಿ/ಖರೀದಿ, ಚರಂಡಿ & ಕೊಳಚೆ ನೀರು ಇಂಗಿಸುವಿಕೆ, ಸೆಪ್ಟಿಕ್ ಟ್ಯಾಂಕ್ ತ್ಯಾಜ್ಯ ವಿಲೇವಾರಿ.
• ಸಾಮಾನ್ಯ ಅಭಿವೃದ್ಧಿ ನಿಧಿಯಡಿ (29 ವಿಷಯಗಳು): ಕೃಷಿ, ಸಣ್ಣ ನೀರಾವರಿ, ಬೀದಿದೀಪಗಳು, ಗ್ರಂಥಾಲಯ, ಪಂಚಾಯಿತಿ ಕಟ್ಟಡ ದುರಸ್ತಿ, ಡಿಜಿಟಲ್ ಸೇವೆಗಳು ಮತ್ತು ರಸ್ತೆಗಳು (ಗರಿಷ್ಠ ₹1 ಲಕ್ಷದ ಮಿತಿಯಲ್ಲಿ).

ಮಾಡಬಾರದ ಕೆಲಸಗಳು (ಕಟ್ಟುನಿಟ್ಟಾಗಿ ನಿಷೇಧಿಸಿದ ಖರ್ಚುಗಳು)

• ಖಾಯಂ ಸಂಬಳ & ಆಡಳಿತ ವೆಚ್ಚ: ಯಾವುದೇ ಖಾಯಂ ಅಥವಾ ಗುತ್ತಿಗೆ ಸಿಬ್ಬಂದಿಯ ಸಾಮಾನ್ಯ ವೇತನ/ಸಂಬಳ ಹಾಗೂ ಇಲಾಖೆಯೇತರ ಆಡಳಿತ ವೆಚ್ಚಗಳಿಗೆ ಬಳಸುವಂತಿಲ್ಲ.
• ವಾಹನ ಖರೀದಿ & ಐಷಾರಾಮಿ ವಸ್ತುಗಳು: ಅಧಿಕಾರಿಗಳು ಅಥವಾ ಜನಪ್ರತಿನಿಧಿಗಳಿಗಾಗಿ ವಾಹನ ಖರೀದಿ, ಕಚೇರಿಗೆ AC ಹಾಗೂ ಐಷಾರಾಮಿ ವಸ್ತುಗಳ ಖರೀದಿ ನಿಷೇಧಿಸಲಾಗಿದೆ.
• ಸನ್ಮಾನ & ಉತ್ಸವಗಳು: ಸನ್ಮಾನ, ಉದ್ಘಾಟನೆ, ಮನರಂಜನಾ ಕೂಟಗಳು, ಜನಪ್ರತಿನಿಧಿಗಳ ಪ್ರಯಾಣ ಭತ್ಯೆ (TA/DA) ಭರಿಸುವಂತಿಲ್ಲ.
• ನೀರು-ಸ್ವಚ್ಛತೆ ನಿಧಿಯಲ್ಲಿ ನಿಷೇಧ (ಕಂಡಿಕೆ 14): ಕಚೇರಿ ಕಟ್ಟಡ ನಿರ್ಮಾಣಕ್ಕೆ ಈ ನಿಧಿ ಬಳಸುವಂತಿಲ್ಲ. ನೀರು/ಸ್ವಚ್ಛತೆಗೆ ಸಂಬಂಧಪಡದ ಯಾವುದೇ ಕೆಲಸಕ್ಕೆ ಬಳಸುವಂತಿಲ್ಲ.
• ವೈಯಕ್ತಿಕ ಸೌಲಭ್ಯ ನಿಷೇಧ (RDPR 02-03-2021): 5% ವಿಶೇಷ ಚೇತನರ ನಿಧಿಯಲ್ಲಿ ತ್ರಿಚಕ್ರ ಸೈಕಲ್ ಅಥವಾ ವೈಯಕ್ತಿಕ ವಸ್ತು ಹಂಚುವಂತಿಲ್ಲ (ಕೇವಲ ರ‍್ಯಾಂಪ್, ಸುಗಮ್ಯ ಶೌಚಾಲಯ ಕಾಮಗಾರಿಗಳನ್ನು ಅಳವಡಿಸಬಹುದು).

7. ಯಾವ ಸಾಮಗ್ರಿಗಳನ್ನು ಎಲ್ಲಿ ಇಟ್ಟುಕೊಳ್ಳಬೇಕು? (ದಾಸ್ತಾನು ನಿಯಮಗಳು) ಸುತ್ತೋಲೆ ಕಂಡಿಕೆ 8 (ಅನಗತ್ಯ ಸಾಮಗ್ರಿ ಖರೀದಿ ತಡೆ)

ಆಡಳಿತ ಹಂತ	ಇಟ್ಟುಕೊಳ್ಳಬಹುದಾದ ಸಾಮಗ್ರಿಗಳು	ಕಟ್ಟುನಿಟ್ಟಿನ ನಿಯಮ
ಗ್ರಾಮ ಪಂಚಾಯತಿ ಹಂತ (GP Level)	ದೈನಂದಿನ ಬಳಕೆಯ ಬ್ಲೀಚಿಂಗ್ ಪೌಡರ್, ಸೋಡಿಯಂ ಹೈಪೋಕ್ಲೋರೈಟ್, ಕ್ಲೋರಿನ್ ಮಾತ್ರೆಗಳು, ನೀರಿನ ಪರೀಕ್ಷಾ ಕಿಟ್‌ಗಳು ಹಾಗೂ ಸಣ್ಣ ರಿಪೇರಿ ಸಾಮಗ್ರಿಗಳು ಮಾತ್ರ.	ದೊಡ್ಡ ದಾಸ್ತಾನು ನಿಷೇಧ: ಪಂಪ್, ಮೋಟಾರ್, ಕೇಬಲ್, ವಾಲ್ವ್‌ಗಳನ್ನು ಮುಂಗಡವಾಗಿ ಖರೀದಿಸಿ ರಾಶಿ ಹಾಕುವಂತಿಲ್ಲ. ಕೇವಲ ಅಗತ್ಯ ಬಳಕೆಗೆ ಮಾತ್ರ ಸಂಗ್ರಹ.
ತಾಲ್ಲೂಕು / ಕ್ಲಸ್ಟರ್ ಹಂತ (Block Level)	ಹೆಚ್ಚುವರಿ ಪಂಪ್‌ಗಳು, ಮೋಟಾರ್‌ಗಳು, ಸ್ಟಾರ್ಟರ್ ಪ್ಯಾನಲ್, ಬೇರಿಂಗ್, ಸೀಲ್, ವಾಲ್ವ್‌ಗಳು, ಕೇಬಲ್, ಪೈಪ್ ಜಾಯಿಂಟ್ ಕ್ಲಾಂಪ್ ಹಾಗೂ ಸೋರಿಕೆ ಪತ್ತೆ ಸಾಧನಗಳು.	ತಾಲ್ಲೂಕು ಕ್ಲಸ್ಟರ್‌ನಲ್ಲಿ ಇಟ್ಟುಕೊಂಡು, ಪಂಚಾಯಿತಿಗಳಿಂದ ಬೇಡಿಕೆ ಬಂದಾಗ ತಕ್ಷಣ ದುರಸ್ತಿಗೆ ಒದಗಿಸಬೇಕು.
ಜಿಲ್ಲಾ ಹಂತ (District Level - DTU)	ದೊಡ್ಡ ಸಾಮರ್ಥ್ಯದ ಪಂಪ್‌ಗಳು, ಟ್ರಾನ್ಸ್‌ಫಾರ್ಮರ್‌ಗಳು, ಲ್ಯಾಬ್ ಉಪಕರಣಗಳು, ದರ ಒಪ್ಪಂದದ (Rate Contract) ತುರ್ತು ಉಪಕರಣಗಳು.	ಜಿಲ್ಲಾ ತಾಂತ್ರಿಕ ಘಟಕದ (DTU) ಉಸ್ತುವಾರಿಯಲ್ಲಿ ತುರ್ತು ಬಳಕೆಗಾಗಿ ಕಾಯ್ದಿರಿಸುವುದು.

8. ಡಿಜಿಟಲ್ ಪೋರ್ಟಲ್ ಬಳಕೆ ಮತ್ತು ಅನುದಾನ ಜಮೆಯ ಕಡ್ಡಾಯ ನಿಯಮಗಳು ಪಾರದರ್ಶಕತೆ & ನಿಯಮಗಳು

ನಿಯಮ / ಮಾನದಂಡ	ಕಡ್ಡಾಯವಾಗಿ ಪಾಲಿಸಬೇಕಾದ ಕ್ರಮ	ಅನುಷ್ಠಾನ ವೇದಿಕೆ (Portal)
ಡಿಜಿಟಲ್ ಪಾವತಿ ಮತ್ತು ಲೆಕ್ಕಪತ್ರ	ಎಲ್ಲಾ ಪಾವತಿ, ಖರ್ಚಿನ ರಶೀದಿ ಮತ್ತು ವೋಚರ್‌ಗಳು ಆನ್‌ಲೈನ್ ಮೂಲಕವೇ ಆಗಬೇಕು. ಕೈಬರಹದ (ಮ್ಯಾನುವಲ್) ರಶೀದಿಗೆ ಅವಕಾಶವಿಲ್ಲ.	e-GramSwaraj, PFMS, AuditOnline
ನೀರಿನ ಗುಣಮಟ್ಟ ದಾಖಲಾತಿ	ಫೀಲ್ಡ್ ಕಿಟ್ ಪರೀಕ್ಷೆ ಹಾಗೂ ಮಾನ್ಸೂನ್ ಪೂರ್ವ/ನಂತರದ ನೀರಿನ ಪರೀಕ್ಷಾ ವರದಿಯನ್ನು WQ-1 ನಮೂನೆಯಲ್ಲಿ ಆನ್‌ಲೈನ್ ದಾಖಲಿಸುವುದು ಕಡ್ಡಾಯ.	WQMIS ತಂತ್ರಾಂಶ
2ನೇ ಕಂತಿನ ಹಣ ಪಡೆಯುವ ಷರತ್ತು	ಹಿಂದಿನ ವರ್ಷ ಬಂದ ಅನುದಾನದಲ್ಲಿ ಕನಿಷ್ಠ 50% ಹಣವನ್ನು ನಿಯಮಾನುಸಾರ ಖರ್ಚು ಮಾಡಿ ಪ್ರಮಾಣಪತ್ರ (Grant Transfer Certificate) ಸಲ್ಲಿಸಬೇಕು.	PFMS UC Module
10 ದಿನಗಳೊಳಗೆ ಖಾತೆಗೆ ಜಮೆ	ಕೇಂದ್ರದಿಂದ ರಾಜ್ಯಕ್ಕೆ ಹಣ ಬಂದ 10 ಕೆಲಸದ ದಿನಗಳೊಳಗೆ ಪಂಚಾಯಿತಿ ಖಾತೆಗೆ ಪೂರ್ಣ ಹಣ ಜಮೆಯಾಗಬೇಕು (ವಿಳಂಬವಾದರೆ ಬಡ್ಡಿ ಸಮೇತ ನೀಡಬೇಕು).	ಖಜಾನೆ - PFMS ಜೋಡಣೆ

ಸ್ಕ್ರೀನ್‌ಶಾಟ್ ನಿರ್ಬಂಧಿಸಲಾಗಿದೆ!

ಈ ಪುಟದ ವಿಷಯವನ್ನು ರೆಕಾರ್ಡ್ ಮಾಡಲು, ಪ್ರಿಂಟ್ ಮಾಡಲು ಅಥವಾ ಸ್ಕ್ರೀನ್‌ಶಾಟ್ ತೆಗೆಯಲು ಅನುಮತಿ ಇಲ್ಲ.